पूर्वीचौकी गाउँपालिका :

सुदुरपश्चिम प्रदेश अन्तरगत पूर्वीचौकी गाउँपालिका डोटी जिल्लाको पुर्व तर्फ रहेको छ । जिल्लाको पुर्व तर्फ रहेको हुदा यसको नाम पूर्वीचौकी रहन गएको हो । यस पूर्वीचौकी गाउँपालिकाको स्थापना नेपाल सरकारको मन्त्रीपरिषदको निर्णय अनुरुप वि.स. २०७३ साल चैत ०१ गते भएको थियो । यस गाउँपालिकाको मूख्य कार्यालय वडा नं. ४ सानागाउमा रहेको छ । ११७.६५ वर्ग कि.मी क्षेत्रफलमा फैलिएको गाउँपालिकामा भु-आकृतिक स्वरुप खोलानालाहरु रहेका छन् । यस गाउँपालिकाको तापक्रम बढिमा ३२ डिग्री र न्युनम १० डिग्री रहने गरेको पाइन्छ । वि.स. २०७८ सालको जनगणना अनुसार यस गाउँपालिकाको जनसंख्या महिला१२,२५६ र पुरुष ९,२३८ गरि जम्मा २१,४९४ रहेको छ । विभिन्न जातजाति समुदायका व्यक्तिहरुको बसोबास रहेको यस गाउँपालिकामा मुख्य चाड पर्वको रुपमा दशै, तिहार, होली, भुवा, गौरा, ओल्के, माघि आदि मनाउने गरिन्छ । यस पूर्वीचौकी गाउँपालिकाको शिर स्थान तिर खप्तड राष्ट्रिय निकुञ्ज पर्छ भने तल तिर सेती नदीले छोएको छ ।

• गाउँपालिकाको स्थापना : वि.स. २०७३ साल चैत ०१ गते
• कुल क्षेत्रफल : ११७.६५ वर्ग कि.मी
• जम्मा जनसंख्या : २१४९४ (जनगणना २०७८)
• राजनैतिक विभाजन : प्रदेश : सुदुरपश्चिम, जिल्ला : डोटी,
• निर्वाचन क्षेत्र : संघीय : १, प्रदेश : २ (क, ख)
• सिमाना :
  • पूर्वमा :  अछाम जिल्लाको चौरपाटी गाउँपालिका
  • पश्चिममा : दिपायल सिलगढी नगरपालिका
  • उत्तरमा : सायल गाउँपालिका लगायत खप्त्ड राष्ट्रिय निकुञ्ज
  • दक्षिणमा : सेती नदि र बोगटान फुडसिल गाउँपालिका